無論你係揾緊第一份工，還是想揾份再好d嘅工，你都需要一份精明嘅履歷表。雖然雇主唔會單靠你份履歷表去決定請唔請你，但精明嘅個人履歷表絕對會增加你面試機會。

整好你份個人履歷表係你揾到份好工嘅第一步。以下係1份個人履歷範本及4個簡單步驟去改善你份個人履歷表。

1. 清晰、易讀

個人履歷表唔需要太多花巧嘢，最重要係簡潔。字體儘量用Calibri或者Times New Roman。你用其他字體可能會令到負責審閲履歷嗰個人唔想睇你份履歷。

2. 小心鋪排

鋪排點樣寫份履歷主要有兩個方法。大部份履歷都會用按時間先後倒序，即係你最新工作寫先。呢種鋪排方法嘅好處係令個雇主了解你過往工作經驗嘅連續性。如果你做嗰行比係較注重某特定技能，你唔一定以時間先後倒序方式列出你工作經驗，反而將最相關嘅工作經驗寫先會令雇主比較容易清楚你嘅情況。

3. 集中描寫關鍵資料

如果你冇咩工作經驗，咁你嘅學歷或者證書就會係你嘅關鍵資料。關鍵資料要放係個人履歷頂部。如果你曾獲獎，或者有優異成績，記得寫埋出嚟。申請一份工前，最好睇清楚份工有冇要求學業成績達某個標準，例如中文課會考達C級或以上，如果有的話，你份履歷要注明清楚。

4. 唔好浪費空間

有時被雇主了解清楚你嗜好或者你做過嘅義工係好事，但你份履歷一定要令個雇主有具體原因請你。你係小學做過童子軍可能係正面嘅經歷，但今時今日呢d經歷唔會對你揾工有咩正面幫助。無謂嘅嘢最好唔好寫係你份履歷入面。

 

中文個人履歷表範本：

履歷表

姓名：張學佑（CHEUNG Hok You, Leon)

地址：長沙灣大埔道100號觀塘樓10樓C室

學歷

9/2002 – 6/2006	嶺南大學 – 電腦科學（榮譽）文學士
9/1996 – 6/2002	勵志中學 – 中一至中七 – 香港高級程度會考, 中國語文及文化 (A)

工作經驗

9/2008 – 6/2014	香港電視 – 歌手 – 節目主持
7/2006-7/2008	麥當勞 -客戶服務 -處理投訴

專業資格

香港聯盟音樂協會會長

課外活動

學生會會員

技能

電腦程式C++, Java

要求待遇

每月$15,000

可上班日期

一星期通知